طريقة التسجيل في الهيئة السعودية للمهندسين * خطاب جهة العمل : لو جاي على شركة خ…

طريقة التسجيل في الهيئة السعودية للمهندسين
* خطاب جهة العمل : لو جاي على شركة خللى الشركة تعملك خطاب انك على كفالتها وفيها بياناتك .. لو جاى حر ارفع التاشيرة او الباسبور او الشهادة .. لو مواليد السعودية فى ناس بترفع ثانوية سعودية وناس بترفع شهادة ميلاد كلها بتنفع
* خطاب الإقرار والتفويض : ده تدوس عليها هتنزلك ورقة تكتب فيها اسمك وتمضي عليها بالتاريخ
* شهادة التخرج : اعمل اسكان للشهادة بتاعتك وش وظهر وكذلك سجلك الأكاديمي بتاع بيان الدرجات وارفعهم وكلهم وش وظهر لو فى اختام
* جواز سفر: سواء كنت كملت 5 سنين او او مكملتش ارفعه بنفس المهنة المكتوبة فى الجواز عادى
* الصورة الشخصية : يعنى اتصور وارفع صورتك وخللى وشك زى قمر ليلة البدر عشان هتحطها على بروفايلك فى الموقع
* السيرة الذاتية : طبعا انا شرحتلك 100 مرة ازاى تكتب اسمك صح سواء CV عادى او ATS
* رقم الهوية او الإقامة او الحدود : لو مطلعتش الإقامة يبقى هتلاقي رقم الحدود مكتوب على الجواز وقت مادخلت المطار
*(اوراق مطلوبة : كارنية نقابة صورها وكذلك البطاقة الشخصية ..الهوية الوطنية سواء للإبن او الأب لمواليد السعودية )
كل دول ترفعهم SCAN على موقع الهيئة عند الصفحة الرئيسية / المرفقات حسب كل بند
بعد ماترفع كل ده وترسل بيجيلك إشعار بفاتورة قيمتها 500 ريال اسمها فاتورة دراسة يعنى بيدرسوا اوراقك للتحقق منها ان كانت أصلية ولا مزورة بالتواصل مع الجهات فى بلدك بتاخذ من يوم الى 5 ايام عمل وبعدها يقولك تم القبول او الرفض
لو اتقبلت هيجيلك فاتورة بدفع 250 ريال وهى عضوية سنه او 500 ريال عضوية سنتين او 750 ريال عضوية 3 سنين حسب مانت عايز
دى فلوس الشركة اللى بتدفعها لو انت جاي عليها انما لو جاي حر فانت ملزم تدفعهم خلال اول 3 شهور من دخولك المملكة ولو ناقل عليهم كفاله هما يدفعوها
والدفع كله الكتروني بالفيزا وتحصل على عضوية مهندس بدون اختبار
اما لو عايز ترفع التصنيف لمشارك لو خبرتك 4 سنين او محترف لو خبرتك 8 سنين لازم ترفق شهادة الخبرة .. لو مافيش شهادة خبرة من منصة قوي تجيب شهادة الخبرة فى بلدك متوثقة شهر عقاري وقنصلية وخارجية .. الشهر العقاري بيكون معاك مندوب الشركة فيفضل توثقها اول ماتاخذ الشهادة منهم وتسيب الشركة عشان بعد سنين مش هتعرف توصل للشركة
وبعدها ترفعها على موقع الهيئة عند طلب تصنيف وتدفع حسب درجة التصنيف وتشوف الامتحان FE للمشارك او PE للمحترف ولو نجحت تاخذ التصنيف صلاحيته 3 سنين
جميع النصائح من إعدادات م/ محمد زكي لجميع مهندسي خريجى الحكومي .. بالتوفيق للجميع .
#SCE #saudieng #ksa #cv #work #jobs #saudiarabia #NEOM #mohamedzaki